Etter mange års planlegging er byggjearbeidet endeleg i gang på den flotte hotelltomta på Byrknesøy. Grunnarbeid og arbeid med infrastruktur vart starta allereie i oktober 2024, så det er herleg å sjå at graving og betongarbeid endeleg er kome i gang, seier den stolte eigaren Stein Inge Larsen.

Backe Bergen er valt som hovudentreprenør. Hotellrådgjevingsselskapet Tribun er engasjert som byggherrerepresentant og følgjer prosjektet tett gjennom heile byggjeperioden. Larsen er letta og glad, og ser fram til å følgje byggjearbeidet vidare. No står støyping av basseng og såle for tur, deretter går byggjearbeidet slag i slag.